Island EU-mut qanillivoq

Islandip EU-mi ilaasortanngornissamut qinnuteqaatini siorna tunniuppaa, nunallu siuttuisa akuersinerisigut Islandip EU-mut ilaasortanngorsinnaanera qanillivoq.

EU-mi siuttut akuersinerat Islandimik tatiginninnermik isumaqatiginniarnissamullu aammaassineruvoq, Islandimi nunanut allanut ministeri Össur Skarphedinsson oqarpoq.

- Island Europamut ilaavoq, Island EU-mut ilaasortanngorpat tamanna tamanut iluaqutaassaaq, Össur Skarphedinsson oqarpoq.

Islandip EU-mut ilaasortanngornissaa sioqqullugu aaqqiagiinngissutit qaangerneqartussat arlaqarput.

Aningaasaateqarfik Icesave akiliisinnaajunnaarmat, Hollandimiut aamma Tuluit arlaqartut aningaasarpassuarnik annaasaqarput. Aalisarnikkut nunalerinikkullu politikki Islandip akisussaaffigiinnarusuppaa.

Islandip EU-mut ilaasortanngornissaa innuttaasut akornanni aamma avissaartuuffiusoq isumasiuinerup takutippaa.