Islamisiortut ataatsimiiffii isornartorsiorneqarput
Hizb-ut-Tahririap oqallitsitsinissaminut qaaqqusissummi titartartsissimavaat danskit, norskit aamma svenskit sakkutuuisa toqugasut illerfii.
- Danskit sakkutuuisa toqutaanissaannik innersuussinerit aallaavigalugit ataatsimiittoqarnissaa, kulturministerip qanoq isumaqarfiginerlugu nassuiartariaqarpaa, Pia Kjærsgaard oqarpoq.
Taama oqaaseqarnermigut taamaalilluni Det Kongelige Bibliotekip pisortaa, Erland Kolding Nielsen isumaqataaffiginngilaa, tassami taassuma kulturministerimut nassuiaanermini oqaatigigamiut, Danmarkimi killilersorneqarani oqaaseqartoqarsinnaammat aamma katersuuttoqarsinnaammat ataatsimiinnisaaq ajoqutissaqartinnagu.
Pisussaaffiit taakku atuutsinneqanngippata, eqqartuussinikkut atuuttunngortinneqarasinnaasut, Erland Kolding Nielsen isumaqarpoq.
Danskit juutit toqunneqarnissaannik, Hizb ut-Tahriap oqaaseqartartuata inatsisimanini pillarneqaatigisimagaa, Pia Kjærsgaardip eqqaasitissutigaa.
Danmarkimi inatsisit tunngaviusut aallaavigalugit, peqatigiiffiit persuttaaneq aallaavigalugu ingerlanneqartut inerteqqutigineqarsinnaanersut, inatsiseqarnermut ministerip, Lars Barfoedip naalagaaffiup unnerluussisuanut misissugassanngorteqqippaa. Naalagaaffiup unnerluussisuata siusinneruskkut oqaatiginikuuvaa taamanna ajornartoq.
