Isikkanut kalunnerit atorlugit pillaaneq nunatsinni ?

Pinerluuteqarsimasut pinerluuteqarsimasunut inissiisarfiinut inissinneqarnissaannut utaqqineq sivitsoraluttuinnarpoq, ilai ukiup ataatsip affaanillu sivisutigisumik utaqqisariaqartarlutik. Tamanna aallaavigalugu Demokraatinut ilaasortaq Astrid Fleishcer Rex ullumi naalakkersuisunut apeqquteqaateqarpoq Danmark-imi inatsiseqarnermut naalakkersuisoqarfimmut saaffiginnilikkersaarnersut, isikkanut kalunnerit atorlugit pillaanerit, Danmark-imi nunanilu allani atorneqartartut assigalugit nunatsinni atuutilersinneqarniarnersoq. Isikkanut kalunnerit atorlugit pillarneqartut angerlarsimallutik elektronisk iluaqutigalugu malinnaavigineqarsinnaapput. Nunatsinni pinerluuteqarsimasut inissiisarfiini pisortaq Michael Stage isummamut tassunga isumaqataanngilaq. Pisariuvoq, pineqaatissinneqartoq malinnaavigineqartartussaavoq, piumasarineqartullu unioqqutinneqarpata piareersimasoqartussaalluni Michael Stage oqarpoq. Atortorissaarut inunnut ikittuinnarnut akisuallaassaaq Michael Stage oqarpoq.