Isikkamik arsarnermi dommerit nutaat
Isikkamik arsarluni Ilulissani Kalaallit Nunaanni pissartanngorniunnerit ingerlanneqarnerat iluatsillugu GBU-mit dommerinngorniartunik pikkorissartitsisoqarpoq. Kingornalu peqataasut misilitsereerneranni dommerit nutaat arfillit siggartaat tigullugu unaminerni aqutsisinnaanngortut dommeritut allagartartaartinneqarput.
Allattoq Peter Troelsen, Salome Hansen
aggustip 22-at 2012 05:00
DBU-mit ilitsersuisoq Stig Hansen dommerinngornianut ilinniartitsisuuvoq, peqataasullu tamarmik angusinermikkut dommeritut allagartaqalerput.
Ilulissanilu unammersuaarnerni dommeriusut aamma pissarsiaqarlutik Ilulissaniit angerlakaapput.
Unamminerimmi arlallit Stig Hansenimit isiginnaarneqartarput, kingornalu unamminerit naammassineqaraangata ineriartornissaq eqqarsaatigalugu oqaloqatigiittoqartarpoq. Taamalu naapittarnerni dommerit maleruagassaat nutaat pillugit saqqummiisoqartarpoq. Taamaalillutillu dommerit peqataasut ilisimasatik ineriartortippaat. Tamannalu dommerinut arsartartunullu tamanut pitsaasumik iluaqutaassaaq.
