Isikkamik arsaalluni nunatsinni pissartanngorniunnerit nuannerunarpaseqaat
Angutit isikkamik arsaallutik nunatsinni pissartanngorniunnerat sisamanngornermi aggustip 15-iani aallartinneqarpat, kikkut pissartanngorumaarnersut siumut takorlooruminaappoq. Siornaakkunni pissartanngortarsimasut medaaliannaqqinnissaat qulakkeersimasutut isikkoqanngilaq.
Allattoq Peter Troelsen, Simon Uldum
Puljenut agguataarinermi, immikkut ilisimasallit ilimagineqarnerpaasaat tamarmik immikkut puljeqartinnissaat qulakkeerneqarsimavoq, kikkulli ajugaaniutivinnermut anngukkumaarnersut siumut takorlooruminaatsupilussuuvoq. Siornatigut angusat qiviaraanni siorna pissartanngortut periarfissagissaarput, taamaatullu aamma G-44 Qeqertarsuarmeersoq oqaatigisariaqarpoq.
Unamminissanut pilersaarut tamakkiisoq allaaserisap ataani takuuk isikkamillu arsaalluni nunatsinni pissartanngorniunnerit KNR tv-kkut malittaralugit.