Isiginnaarutikkut ilinniartitsipput

Uummannap kommunia misiliilluni TV aqqutigalugu attaveqarluni ilinniartitineq misiligalereersimavaat.

Ukkusissani, Ikerasaanni Qaarsunilu meeqqat atuartut ilinniartitsisumit Uummannameersumit, tv aqqutigalugu misileraalluni atuartitsineq ingerlanneqarpoq.

Ilinniartitsinerillu tiimit ingerlalluartartut assiliissutip saanut pilluni iliniartitisartoq Simme Eriksen oqaluttuarpoq:

Fjernsyni videokamerartalerlugu ilinniartitsisoq uummannamiit nunaqarfiit ilaannut ilinniartitsisarpoq. Ilinniartitsisoq ilinniartitassallu assitalerlugit takuneqarsinnaasarput. Atuartitama takusinnaasarpaannga, illuatungaanilu aamma uanga atuartitassakka takusinnaasarlugit. Aamma atuartut takusinnaasarpaat, assiliissut atorlugu kina qanillitinneqarluni uanniit oqaluunneqarnersoq. Maannakkut ilinniartitsineq ingerlatarput tassaavoq innaallagiaq pillugu ilinniartitsineq. Atuartullu atortussaminnik tunineqartarput, soorlu bateerit ledningit allallu meeraalluni sammissallugit nuannarineqarsinnasut. Meeqqat atuartitakka naammassisassaqartarput, suliassatillu naammassigaangamikkut kamera atorlugu uannut takutittarpaat, Simme Eriksen oqaluttuarpoq nangillunilu: - Suliat ajunngippata nangeqqitassaappataluunniit atuartorlu oqaloqatigiissinnaasarpugut, ilinniartitseriaaserlu taanna ajunngilluinnarpoq. Aamma immitsinnut ungasikkaluarluta, immaqa una ilinniartitseriaaseq nutaajummat meeqqat naalattaqaat. Mannakkorpiaq nunaqarfiit ilaanni oqaatsinik ilinniartitsisunik amingaateqartoqarpoq, taamaammallu misileragassaq tullernguuttoq tassaavoq oqaatsinik ilinniartisineq, soorlu tuluttut oqaatsinik ilinniartisineq. Taannalu immaqa fysik-imik ilinniartitsinermit ajornarnerulaassaaq, Simme Eriksen naggasiilluni taama oqarpoq.

Isiginnaarutit atorlugit ilinniartitsinermi atortut aamma ilinniaqqinnernut atorneqarluarsinnaasut, simme Eriksen oqarpoq.