Isiginnaartoqarani Melodi Grand Prixertoqassasoq
Coronavirus pissutigalugu arfininngorpat isiginnaartoqarani Melodi Grand Prixertoqassaaq.
![](/sites/default/files/styles/image_934x467/public/article_images/20190301-110733-1-1920x1279we.jpg?itok=hTxrMECm)
Julie Berthelsen Nina Kreutzmannilu siorna Melodi Grand Prixertoqarmat ajugaasut tulleraat.
Allattoq Ritzau
Nutserisoq Hanne Petersen
DR Nyheder taama allappoq.
Danmarkimi oqartussaasut aaqqissuussinerit inunnit 1000-nit ikinnerunngitsunit peqataaffigineqartussat kinguartinneqarnissaat taamaatinneqarnissaalluuniit inassutigereeraallu taama aalajangertoqarsimasoq, Danmarkimi ministeriunerup Mette Frederiksenip (S) tallimanngornermi nalunaarutigaa.
- Ministeriunitta taama inassuteqarnera tunngavigalugu aalajangerpugut isiginnaartoqarani Melodi Grand Prixertoqassasoq, oqaaseqartartoq Gustav Lützhøft DR Nyhederimut oqarpoq.
Nutaarsiassaqartitsivik DR Nyheder naapertorlugu inuit 10.000-t missaat nipilersornermik aaqqissuussamut angisuumut isissutissaminnik pisisimasut isiginnaariarsinnaajunnaarput.