Silamiut ulluni makkunani ulapputeqarpoq.
Katuap nalliuttorsiorneranut atatillugu, kalaallit oqaluttuaatitoqaat ”ukaliatsiaq” nutaalianngorlugu Silamiunit isiginnaagassiassanngortinneqarpoq.
Silamiut isiginnaagassiaat aatsaat taamak inuttaqartinneqartigaluni suliarineqarpoq. Isiginnaartitsissartut arfineq-marluk atorneqarput, erinarsortartoqatigiit arfineq-pingasut. Danmarkiminngaanneersoq, Sverigemeersoq Alaskameersorlu Qullilersuisoq, atisaliortoq, ilitsersuisartorlu aamma atorneqarput.
Isiginnaartitsissusiamik ilitsersueqataasoq Makka Kleist oqaloqatigaarput.
- Oqaluttuatoqqat ullutsinnut tulluarsarlugit suli oqaluttuarineqarlutillu isiginnaagassiatut takutinneqarsinnaapput, Katuamillu suleqateqarluarluta isiginnaaritsissut una suliarivarput, Silamiuni isiginnaartitsnermi ilitsersuisoq Makka Kleist taama oqarpoq. Isiginnaartitsissusiaq junip 21-ani inuiattut ullorsiornerput eqqorlugu takutinneqaqqaassaaq, illoqarfinnilu assigiinngitsuni arlaqartuni takutinneqassalluni.