Isiginnaartitsisoqarneq pillugu inatsisissaq tusarniutigineqarpoq
Inatsisissap siunertaraa Nunatsinni isiginnaartitsisartoqarneq pillugu siunnersortimik atorfinitsitsisoqarsinnaanissaa aamma isiginnaartitsisartutut ilinniarnermik aaqqissuussinermik pilersitsinissaq.
Allattoq Lotte Holm
januaarip 30-at 2009 07:37
Inatsisissatut siunnersuummi Nunatta isiginnaartitsisartoqatigiivinik pilersitsinissaq siunnersuutigineqarpoq. Maannamullu Silamiut KNRip illutoqaani ini ingerlaannassasoq siunnersuutaavoq saniatigut Katuami ininik attartorsinnaanissaq isumaqatigiissutaassaaq.
Kulturimut siunnersuisoqatigiit, isiginnaartitsisarfik pillugu inatsisiliornermi suleqatigiissitaliaq aammalu Kulturimut, Ilinniartitaanermut, Ilisimatusarnermut Ilageeqarnermullu Naalakkersuisoqarfik suleqatigiillutik ukiup ataatsip ingerlanerani isiginnaartitsisarfik pillugu Inatsisartut inatsisissaattut siunnersuummik suliaqarput. Inatsisissatullu siunnersuut Inatsisartut upernaakkut ataatsimiinneranni saqqummiunneqassasoq naatsorsuutigineqarpoq.
