Isiginnaartitsisartoq Sean Connery toquvoq
Nutaarsiassaqartitsik BBC taama allaaserisaqarpoq.
Sean Connery isiginnaartitsisartuunermini 1961-imi James Bondiusaarluni saqqummeqqaarnini nunarsuaq tamakkerlugu ilisarisimaneqaatigilerpaa.
Sean Conneryp filmit 40-nit ikinnerunngitsut oscarilu ataaseq isiginnaartuunermini angusarai.
Taakku sanatigut Baftanik marlunnik Golden Globesinillu pingasunik nersornaatisinikuuvoq.
James Bondit filmit katillugit arfinillit inuttaaqataaffigai, kingullermi 1983-imi James Bonditut saqqummerluni.
Sean Connery tuluit nunaanni isiginnaartitsisartutut ataqqinaaserlugu dronning Elisabethip 2000-itimi sakkutooqqinninngortippaa. Ukiut pingasut qaangiummata isiginnaartitsisartup filmi peqataaffigisani kingulleq immiusseqataaffigaa.