Isikkamik arsaalluni pissartanngorniuttoqarnera naammassingajalersoq, Nuummi arsaattarfimmi qummoroortartunik aallartitsisoqaqattaarpoq. Taamaalinerani isiginnaartut piumaffigineqarput, qummoroortartunik aallartitsineq unitseqqullugu, tamannali malinneqanngilaq. Isiginnaariat ilaat arnaq qummoortartumik niaqqumigut eqqorneqarpoq, politiillu oqarnerat malillugu arnaq annertuumik ajoqusersimanngilaq, ambulance-nillu Nuummi nakorsiartarfiliaanneqarsimavoq. Qummoroortartumik aallartitsisoq Politiit kinaanersoq ilisimavaat. Nunatsinni arsaattartut kattuffianni GBU-mi siulitaasoq Lars Lundblad oqarpoq, siunnissami nuna tamakkerlugu pissartanngorniulluni unammisoqarnerani qummoroortartornerup inerteqqutigineqalernisaanik kinguneqarsinnaasoq.
Qummoroortartumik aallartitsisoq qanoq pineqarumaarnersoq pillugu politiit maannakkut nalilersuipput.