Isiginnaagassiat angisuut takutinnissaat sapinngilaat

Aatsaat taamak amerlatigisunik peqataaffigineqartumik isiginnaartitsissusiaq suliarineqalerpoq.

Katuaq suleqatigalugu Silamiut isiginnaaritsitsissusiaat ukaliatsiaq, piareersarneqaleruttorpoq, Katuarlu sinnerlugu suleqataasoq, Bendo Schmidt, isumaqarpoq, kalaallit oqaluttualiaat isiginnaagassiatut angisuutut suliarineqartariaqartut saqqummersittalernissaat pingaaruteqartoq.

- Nuannaarnerup inunnut tunniunneqarnera, Tuukkamiikkallarattali isiginnaagassiarinikuuarput, taannalu oqaluttuatoqaq, ullumut suli tulluartuuvoq, ajornartorsiutaasullu taamanersuarlili pisarsimasut suli maannamut atuuttarlutik. Taamaammat taassuma isiginnaagassiap annertuup Silamiullu suleqatigiilluta suliarinissaa maannakkut ingerlallutigu. Isiginnaagassiat annertunerusut maqaasivagut, taava aamma ineriartortitseqataarusuppugut Katuaminngaannik. Pisariaqartipparput, isiginnaagassiat oqimaatsut takutittarnissaat, siunissamilu takorlooratsigu ineriartortitsisariaqarluta, aammalu nunatsinni isiginnaagassiat angisuut suliarisinnaallutigit takutikkusupparput.

Katuaq sinnerlugu Silamiuni suleqataasoq, Bendo Schmidt, Karsten Sommerimit apersorneqarluni taama oqarpoq.

Silamiut isiginnaartitsissusiaat ”Ukaliatsiaq” siullermeerlugu takutinneqaqqaassaaq junip 21-ani inuiattut ullorsiulerutta.