Isiginnaagassiaq nipilersugassiartalik kalaalerpalaassaaq
Kalaallit Nunaat pillugu isiginnaagassiaq nipilersugarsuarmik ingiorneqartoq, nunat avannarliit sisamat aamma Europami nunanit arlalinnit kulturikkut susassaqartunit maanna pilersaarurtaaleruttorpoq.
Isiginnaagassiamik ilitsersuisuussaaq nunarsuatsinni ilitsersuisartut tusaamasat ilaat, Schweizimiu Christoph Marthaler. Isiginnaagassiami oqaluttuarineqassapput kalaallit allamiunit naapitsinerat, kalaallit oqaluttuatoqaataat kalaallit nipilersugaannik akullugit.
Isiginnaagassiap suliarinerata nalaani qulequtsiunneqarsimavoq "plus-minus nul" - nunarsuatta kissakkiartorneranut eqqaatitsisutullusooq taamatut qulequtsiussaalluni.
Isiginnaagassiaq nunanit allamiunit aamma kalaallinik inuttaqartussaq, upernaamut Nuummi takutinneqareerpat, Europami nunani arlalinni aamma takuteqattaarneqassaaq.