Isiginnaagassiaq "Tynd is" sapaammi unnukkut nal. 22.10 aallakaatinneqassaaq.

Isiginnaagassiaq nangeqattaartoq “Tynd Is” takutinneqartussanngortoq

Isiginnaagassiaq nangeqattaartoq “Tynd Is” nunatsinni pisuusaartitaasoq, DR1-kkut unnugu sapaammi aallakaatinneqartussanngorpoq.

Isiginnaagassiaq nangeqattaartoq “Tynd Is” nunatsinni pisuusaartitaasoq, silap pissusaata allanngoriartorneranut, politikkimut kalallillu namminiilivinnissaannut ilaatigut tunngasoq, DR1-kkut unnugu nalunaaqutaq qulit qaangerlugit tanneq marlunngorpat immikkoortoq siulleq aallakaatinneqassaaq.

Isiginnaagassiami nangeqattaartumi isiginnaartitsisartut nunatsinneersut arlallit pingaarutilinni inuttaapput.

Isiginnaagassiami svenskit uuliamik assartuutaat umiarsuaq saassunneqarpoq ilaasullu aallarunneqarlutik. Piffissamilu tassani Issittumi Siunnersuisoqatigiit Tasiilami uuliap issittumi inerteqqutaanera ilaatigut eqqartorlugu ataatsimiipput.

Nunatsinni isiginnaartitsisartut ilaat, Angunnguaq Larsen politiit pisortaatut inuttaaffeqarpoq, isiginnaagassiamilu Nukâka Coster-Waldau nuliaralugu. Aamma Miki Jacobsen, Qillannguaq Berthelsen, Nathan Kreutzmann aamma Kimmernaq Kjeldsen peqataapput, isiginnaagassiamittaaq svenskit aamma qallunaat ilaatigut Nicolas Bro peqataapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat