Isigiarsuttut Nuummi pikkorissarneqassapput
- Neriuppugut isigiarsuttut inuunerannut oqiliallatsitsisinnaasunik iliuutsinik assigiinngitsunik ilitsersuisinnaassalluta, soorlu iganermik, nalunaaquttap qassinngorneranik, toqqissillunilu angerlarsimaffiup eqqaani angalaarsinnaanerannik ilitsersuussinnaajumaarlugit, misiliinermi ataqatigiissaarisoq Tine Bøgh Jørgensen, Nuup kommuniata innarluutilinnik sullissisua oqarpoq.
Pikkorissarnermi peqataasussat 40-niit 80-it tungaannut ukioqarput. Tine Bøgh Jørgsensenip aamma neriuutigaa misilittagarineqalersussat sinerissami aamma atorluarneqarsinnaajumaartut.
Isigiarsuttunik pikkorissaasoqareerpat, sisamanngorpat innarluutilinnik sullissisut pikkorissarneqassapput, pikkorissaatigineqartut tassaassallutik atortunik periaatsinillu ilisimasaqarnerulernissaat, taamaalillutimmi sullissilluarnerulerniassammata.