Opdateret 14.28
Hashitorsimasut sapaatip akunnerini tulliuttuni arfinilinni aneqqusaajunnaartassapput.
Misissuut inissinneqarsimasut aneersinnaanisssaannut naliliinissamut atorneqassaaq. Aammali inissinneqarsimasoq aneereerluni hashimik atuisimasorineqarpat atorneqarsinnaalluni.
Misissuisoqartalernissaa sapaatip akunnerinik arfinilinnik sioqqutsisumik ilisimatitsissutigineqarpoq, tassami hashitoreernermi sapaatip akunnerini arfinilinni hashi timimi nassaarineqarsinnaasarmat, Pinerluttunik Isumaginnittoqarfimmi pisortaq, Thomas Nicolajsen Nuuk TV-imut oqarpoq.
Misissuut, 99,9 procentimik qularnaatsigisoq, Qallunaat Nunaanni paarnaarussivinni atorneqarpoq, inernerilu minutsialunnguit qaangiunneranni takuneqarsinnaasarlutik.
Quititsilluni misissuutit 1000-it inniminnerneqarsimapput. Nuna tamakkerlugu pineqaatissinneqarsimasunut inissiisarfimmiittut 190-iupput.