Isertitat assiigiikkunnaariartortut

Illoqarfiit nunaqarfiillu akornanni aningaasaqarnerup assigiinngissutai alliartorpoq, soorlu aamma Kommuneqarfik Sermersuup kommunillu sinnerisa pingasut akornanni isertitat qaffasissusaat annertusiartortoq.
Allattoq Carla Davidsen
marsip 16-at 2012 11:59

Kalaallit Nunaanni Naatsorsueqqissaartarfiup kisitsisaataani nutaani tamanna takuneqarsinnaavoq.

Kommuneqarfik Sermersuumi isertitat agguaqatigiissillugu 2009-miit 2010-mut 2,4 procentimik qaffattut, Kommune Kujallermi procentip affaannaanik qaffapput, Qeqqata Kommuniani 0,4 procentiinnarmik qaffattut.

Qaasuitsup Kommuniani isertitat agguaqatigiissillugu 1,3 procentimik qaffapput, tamaanili innuttaasut isertitakinnersaapput. Tamaani 2010-mi isertitat agguaqatigiissillugu 162.000 koruuniupput, Kommuneqarfik Sermersuumi 250.000 koruuniusut.

Illoqarfinni isertitat, nunaqarfinni isertitanut naleqqiullugit, agguaqatigiissillugu 77.000 koruuninik amerlanerupput. Assigiinngissut tassa 36 procentiuvoq.

2009-miit 2010-mut isertitat agguaqatigiissillugit ukiumut 199.000 koruuniniit 202.000 koruuninut qaffassimapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq