Iserit A/S akinik qaffaanianngilaq
Inissiaatileqatigiiffik Iserit A/S Kommuneqarfik Sermersuumi ineqarnermut akiliutinik qaffaanianngilaq. Akileraarutit peernagit sinneqartoorutit 1,2 millionit koruunit pallikkaat, Iserit A/S-ip ukiup affaanut naatsorsuutaani takuneqarsinnaavoq.
Allattoq Mads Lynge
Immikkoortoqarfiit ingerlatsinermut missingersuusiaat akuerineqarsimasut tunngavigalugit attartortitsinermut akigitinneqartut, maanna atuuttut, aappaagu qaffanneqartariaqanngitsut siulersuisut ataatsimiinnerminni aalajangerpaat.
A/S Inissiaatileqatigiiffik INI-p attartortittagaani akigitinneqartut 5,5 procentit tikillugit qaffanneqarnissaat qanittukkut nalunaarutigineqarpoq.
Kommuunit kattussuunneqarnerinut atatillugu Iserit A/S Paamiuni, Tasiilami Illoqqortoormiunilu inissianik aqutsilerpoq. Inissiat katillugit 1900-ngajaat Iserit A/S-imit aqutarineqalerput.