Isarukitsunik takornariaraluarneq iluatsinngitsoorpoq
Takornariat 105-it isarukitsunik kejserpingvininik takorusuinnarlutik umiarsuarmik angalagaluarput.
novembarip 17-at 2009 09:37
Isarukitsunilli takornariarneq tassanngaanaq kipitinneqarpoq. Umiarsuaq sikumit nikeriaqqissinnaajunnaarpoq, takornariarpassuillu sivikinnerpaamik sapaatip-akunnera ataaseq uninngaannartariaqassapput.
Umiarsuarmut ilaasunut ilaapput Tuluit Nunaanni TV-qarfissuarmi BBC-mi filmiliortartut, taakku pisimasuinnik tunngavilimmik nangeqattaartussamik filmilioriartoraluarput, taaguuteqartussamik "The Frozen Planet".
Takornariat umiarsuarmiluunniit inuttat navianartorsiunngillat, sikullu erngiinnaq aakkarnissaa ilimagineqarpoq, taamaalilluni umiarsuaq umiarsualivimmut qaninnermut, Argentinap kujasissuaniittumut, ingerlasinnaanissammat.
