Isarukitsorsuit amerliartoqqilerput

Aalisarnermut siorna januaarimi ineteqquteqalernera isarukitsut amerliartoqqilernerannut pissutaavoq. Ammassaaqqat ansjosit sardinillu kilometerinik 20-nik ungasissusilimmi aalisaqqusaajunnaarput, ammassaaqqallu taakkorpiaat isarukitsorsuit nerisarilluartuuvaat, Ritzau allaaserinnippoq.

Afrikami isarukitsorsuit 2001-ip 2009-llu akornanni 60 procentimik ikileriarput, aalisapilunneq silallu pissusaata allanngoriartornera pissutaanerullutik.

Isarukitsut 75 procentii neriniaraangamik 20 kilometerit naloqqaarlutik siornatigut aatsaat nerisassaminnik nassaartarput. Aalisaqqusiunnaartoqarneratali kingorna qaammatit pingasut qaangiuttullu isarukitsorsuit 70 procentii qaninnerusumi nerisassarsisalerput.

- Ungasissorsualiartarunnaaramik nukissaqarnerulerput, imminnullu qaninniarnerulerunik amerliartoqqilissapput, ilisimatuut misissuisut oqarput.