Isak Davidsen Inatsisartut Siulittaasoqarfiannit tunuarpoq
Tamatumunnga pissutaavoq Isak Davidsen inatsisartut ataatsimiinneranni ulloq 15. oktober aqutsisuutillugu, inatsisartunut ilaasortap Palle Christiansenip, Demokraatini parteeqatini sinnerlugu taasissussisoq assilineqarsimasoq, uppernarsaatitut Atuagagdliutinit Isak Davidsenimut saqqummiunneqarmat.
Assimi tassani takuneqarsinnaapput Isak Davidsen, inatsisartullu allattoqarfianni allatsi Ellen Kolby Chemnitz, inatsisartuni taasinerit eqqortumik ingerlanneqarnersut akisussaaffigigaat. Assimi aamma takuneqarsinnaavoq Palle Christiansen taasissussisoq.
- Inatsisartut ataatsimiinneranni ataatsimiinnermik aqutsisuutillunga taasissussisoqarsimasoq nassuerutigissavara, Isak Davidsen oqarpoq.
Taamaattumik inatsisartut upernaamut ataatsimiinnissaani inatsisartut siulittaasoqarfiannit tunuassaanga, pissusissamisoorpoq innuttaasunut tamanut utoqqatsissallunga Isak Davidsen aviisimut Atuagagdliutinut oqarpoq.