Tamaanimi qinersisartut ileqqorilersimasaat, tassa siullersaallutik Irlandimi qinersisarneq ingerlatiinnarpaat. Taasiaarnerimmi nunavittamut sila pissutigalugu arfinngornermi kisitsisoqalerpat apuussinnaannginnissaat taamaalillugu qulakkeerneqarniassammat. Aamma aqagu qeqertani arlalinni taasisoqassaaq, tamaanilumi qinersisartut 1200-ut aasaq kingulleq Lissabon-imi isumaqatigiissummut tupaallaatigineqartumik naaggaarsimanerat attatiinnassaneraat aalajangeeqataaffigissavaat. Isumasiunerillumi kingulliit takutippaat ullumikkut 55 procentit angertunngorsimasut, 27 procentillu naaggaartunngorsimasut, sulili 18 procentit sorlermut taasissanerlutik nalornisigaat.