Iranip sakkutuui sillimmartaarput

Sakkutuut oqarput allanngortitsisoqarnissaanik illersuisut aqqusinerni eqqissiviilliortoqarnissaanik pilersaarusiortut, taakkua qinigassanngortitartik Hossein Mousavi maannakkut præsidentiusumut Mahmoud Ahmadinejadimut ajorsassappat. Paarlattuanilli apeqqutaalerpoq upperisarsiornikkut aqutsisut unammillertoq taaneqarnerpaassappat ajugaatikkumassaneraat, taama oqarpoq DR-ip ilanngutassiortua Steen Nørskov.

Mousavimik illersuisut naapertuilluartumik qinersisoqarnissaa upperinngilaat. Taakkuami isumaqarput qinersinermi ajugaassallutik. Kisiannili amerlaqaat sapaatip akunnerata kingulliup ingerlanerani uannut oqartartut ajugaassaqqaarlutik, apeqqutaaginnarporlu tamatumunnga akuerineqassanersut, imatut paasillugu, illuatungiliuttut aallaasersornissaminnut piareersimammata.

- Pissusiviusut imaakkunarput Ayatolla Javani upperisarsiornikkullu siuttut Iranimi oqartussaasut, taavami sooq qinersisartut præsidentimut qinersinissartik soqutiginartissavaat?

- Apeqqut akiuminaappoq, amerlaqisunut tamanna apeqqutigisaraluarpara. Nalunngilluinnarparput pissaanillit pissaaneq agguaassimagaat, Iran præsidentearfiup avataaniippoq, tassalu illit oqarnittut sakkutuuni qullersatut inissisimasumi Hamanerosimi, taannalu ullumi sioorasaarilluni oqartoq tusarparput. Oqartoqarsinnaavorli Mousavi præsidenteqarnermut sunniuteqarumaartoq Iranimi innuttaasunut, upperisarsiornikkut siuttunut sakkutuunullu, taamaalillunilu Iran sivisunaartumik atuuttumik allanngortinneqassalluni, Steen Nørskov paasissutissiivoq.