Iranip parnaarussat 54.000-it nualluummut akiuinermi iperarallarai
Iranimi parnaarussat nualluummut coronavirusimut tunillatsissimanngitsut qularnaveeqqusiisullu iperagaagallarput.
Allattoq Ritzau
Nualluutip coronavirusip tunillaassornera akiorniarlugu Iranip parnaarussat 54.000-it iperarallarpai.
BBC marlunngormat unnukkut taama allappoq.
Parnaarussat tunillatsissimanngitsut qularnaveeqqusiisullu parnaarussiviit qimakkallarsinnaavaat.
BBC naapertorlugu eqqartuussiveqarfiup oqaaseqartittagaa Gholamhossein Esmaili taama paasissutissiivoq.
Iranimi inuit ikinnerpaamik 77-it nualluummik maannamut toqquteqareerput. Taakku Kinap avataani amerlanerpaajusut nutaarsiassaqartitsivik Reuters allappoq.