Iranimiut præsidentiat isornartorsiuivoq
USA-p Iranimi atomimik nukissiorneq pillugu nalunaarusiaa Iranip præsidentia Mahmoud Ahmadinejadip kamangaarluni oqaaseqarfigaa.
Nalunaarusiaq misissoqqissaarneqartoq Shanghaimilu tusagassiortunik katersortitsinermini juutinit kristumiunillu ilimaginngisaminit oqaaseqartoqarsimasoq Mahmoud Ahmadinejad nalunaaruteqarpoq.
Israelip piuneerunneqarnissaanik siusinnerusukkut præsidenti kajumissaarisimasoq oqarportaaq juutit, kristumiut muumaamillu upperisallit assigiinngissuteqanngitsut.
- Kikkut tamarmik naleqarput ataqqineqartariaqarlutillu, asiap qiterpasinnerusortaani nunat suleqatigiiffiani ilaasortat ataatsimiinneranni iranimiut præsidentiat alaatsinaattunut Shanghaimi ilaasoq taama oqarpoq.
Naalagaaffiit assigiinngitsut Iranimi atomimik nukissiornerup unitsinneqarnissaa anguniarlugu neqeroorutigisimasaat soqutiginartuusut, præsidenti oqarpoq naalagaaffiilli neqeroorsimasut qanoq akissanerlugit suli oqarusunngilaq.
