Iranimi qinersinerup inerneri kiseqqilerpaat
Iranimi qullersat palasit præsidentimut qinersinerup kingorna Ahmedinejadip ajugaaneranik suaarutiginnikkaluartut, maanna nalunaarput qinersinerup inernerigallagaa nalunaarutigisimallugu, qinersisullu kiseqqinneqarnissaat inatsisartut isumaqatigaat.
juunip 16-at 2009 08:47
Ippassarmi Teheranimi akerliussutsimik takutitsisut miliuunit pallillugit amerlatigisut, upperluarniartut mumisitsimmata pisunut assigupput. Illoqarfinni allani aamma akerliussutsimik takutitsisoqarmat inuit arfineq pingasut toqutaapput. Præsidentinngortumut illuatungiliuttut ullumi qisuariartoqanngillat, akerliussutsimilli takutitsillutik ingerlaaqatigiinnerit unnugu nangissangatinneqarput.
Politiit akerliussutsimik takutitsisut perulluliorniaannarlutik ingerlaaqatigiinneraraluaraat, pisunik takunnittut oqaluttuarput inuiaqatigiinni assigiingitsorpassuarneersut ingerlaaqatigiittunut peqataasut.
Præsidentingortulli, Mahmoud Ahmedinejadip eqqasuuteqanngitsutut ullumi Ruslandimi politikerit nuimasut ataatsimeeqatigiartorpai.
