Iranimi qaartartumeeripput
Irakimi biiliniit qaartartumeerisoqartarnera tusagassiorfiit sammingaatsiartarpaat. Iranimiilli taamaattumik tusagaqajuitsuuvugut, taamaattorli tassa Iranimi ullaaq biilimiit qaartartumeersisoqarpoq. Nutaarsiassaqartitsivik Ritzau taama ilisimatitsivoq.
Angutit sisamat biilimiissimapput, biililu aserortoortuusaartippasissimavaat, anillallutillu.
Bussili issimasunik ulikkaavissoq qanillisorlu angutit taakku sisamat motorcykilit qanittumi piareersimasut atorlugit qimaapput. Taamaasinerani qaartartoq qaarpoq, Iranimilu nutaarsiassaqartitsivik, IRNA, naapertorlugu aqqanillit toqutaapput 31-t ikiligaasut.
Qaartartumeerineq pivoq Iranip kangimut kujasissuani illoqarfimmi Zahedanimi, iranimiut politiivi immikkut sungiusakkat sakkutuullu sakkulersorsimasut Zahedanimi ilaatigut aporaattartut, nutaarsiassaqartitsivimmi Ritzauimi allaaserineqarpoq.
