Iranimi akerliussutsimik takutitsipput
Politiit akerliussutsimillu takutitsisut Iranip illoqarfiisa pingaarnersaanni Teheranimi ullaaq manna aporaapput.
Allattoq Mads Lynge
USA akerliuffiginiarlugu inuit tuusintilikkaat USA-p aallartitaqarfiata silataani ullaaq manna katersuupput.
Aallartitaqarfik ukiut 30-t matuma siornatigut ilinniartunit saassunneqarpoq, tiguarneqarlunilu.
Iranimi naalakkersuisunut illuatungiliuttut siuttuat Mir Hossein Moussavi akerliussutsimik aamma takutitsivoq, tamaanilu aamma aporaattoqarluni. Politiit isumannaallisaaniartussat akerliussutsimik takutitsisut eqqarfigisimagaat nutaarsiassaqartitsiviit arlallit tusarliuppaat.
Præsidentimut Mahmoud Ahmadinejadimut akerliussutsimik takutitsisoqannginnissaa Iranimi oqartussat kajumissaarutigisimagaluarpaat.