Iranialiarnissaaq taamaatiinnarpaat
Folketingip nunanut allanut tunngasunut ataatsimiittartui Iranimut angalanissaraluat taamaatiinnarneqarpoq. Muuamaamik mitaatiginnilluni titartakkat Danmarkimit assuarineqarnissaat Iranip Danmarkimut aallartitaanit piumasarineqareersorlu Iraniliarnissaq taamaatiinnarneqarpoq.
Allattoq Mads Lynge
- Iraniliarnissaq taamaatiinnarparput, pissutsillu takutikkumaarpaat qanoq iliuuseqartoqarumaarnersoq, Folketingip nunanut allanut tunngasunut ataatsimiittartuisa siulittaasuat Gitte Lillelund Bech, Venstreneersoq, Danmarks Radiomut oqarpoq.
Iranip Danmarkimut aallartitaata piumasaraa danskit politikerii muuamaamik titartakkat pillugit utoqqatsissasut, killiligaananili oqaaseqarsinnaatitaanerup ataqqineqarnissaa oqariartuutigalugu utoqqatsertoqassanngitsoq, Gitte Lillelund Bechip Iraniliarnissaq taamaatiinnarpaa. Nunanut allanut tunngasunut ataatsimiittartunut ilaasortat allat aamma isumaqarput.