Irani pillugu nalileeqqittoqarnissaa ujartoraat
USA-mi inatsisartuni Demokraatit ilaasortaatitaannit Amerikamiut Irani pillugu politikkiat nalileqqeqquneqarpoq. Amerikamiut isertortumik paasiniaasartuisa nalunaarusiaat nutaaq malillugu Iranip atomitalinnik sakkuliorniarnini 2003-mili unitsissimavaa nangeqqissimanagulu.
- Neriuppunga Buship naalakkersuisuisalu nalunaarusiaq nutaaq atuarluassagaat, Iranimullu politikkikkut isummipallattarnertik nalilersoqqissaarlugu, Perry Red, inatsisartuni Demokraatit siulittaasuat oqarpoq. Amerikamiut isertortumik paasiniaasartut immikkoortortaannit 16-init, ilaatigut CIA-miit paasisat nalunaarusiami tunngaviupput. Nalunaarusiami oqaatigineqarpoq Iranip atomitalinnik sakkuliorniarnini 2003-mili unitsissimagaa, sulili maannakkut atomimik akuiaajuartoq, 2015-ilu tikitsinnagu qaartartumik atomitalimmik sanasinnaalissasoq.
Naliliisartut oqaatigaat amerikamiut isertortumik paasiniaasartut IRAKip sakkortuunik sakkoqarnerarneqarnikuunera ilinniutigisimagaat. Nunanillu allanik amerikamiut saassussiniartarnerannut utoqqatsissutaaqqikkusunnatik, namminnerlu isummersinnaatitaallutik takutinniarpaat, Stephen Aftergood, amerikami ilisimatuut kattuffianeersoq oqarpoq.
Naalagaaffiit Peqatigiiffianni sillimaniarneq pillugu isumasioqatigiissitami nunat killiit illersoqatigiiffianit Iranip sakkortuumik pillartariaqarneranik oqaluttoqaleruttortoq amerikamiut isertortumik paasiniaasartuisa nalunaarusiaat saqqummerpoq.
