Iran nipangersimaaginnarniarpoq
Iranip atomip nukinganik atuiniarnera pillugu EU-p akissutissarsiniarnera Iranimit qisuariaateqarfigineqarunnanngitsoq, Iranip atomip nukinga pillugu isumaqatigiinniarnernut siuttuata Ali Larijanip oqaatigaa.
Taanna EU-p nunanut allanut tunngasunut ataqatigiissaarisua Javier Solana Bruxellesimi ullumi ataatsimeeqatigisussaavaa.
Atomip nukinganik atuiniarnerup qanoq ingerlanera aggustip 22-ianni EU akissutissarsiumaartoq Iranip siunnerfigaa.
EU-mi nunat angisuut pingasut Tuluit Nunaat, Frankrig aamma Tyskland, kiisalu USA, Kina aamma Rusland Iranimut neqerooruteqarsimapput atomip nukinganik atuinissamut pilersaarutinik ikiuiniarlutik.
- Eqqarsarluaqqaartinnata iliuuseqarnavianngilagut, Iranip atomip nukinga pillugu isumaqatigiinniarnermut siuttuata Ali Larijanip oqaatigaa.