Iran aalajangiusimavoq
Iranip atomitortumik nukissiorfeqalerniarnini unitsissamaanngilaa. Ataatsimiinnerit ullumi naammassisullu tamanna erserpoq.
Allattoq Mads Lynge
Iranip atomitortumik nukissiorfeqalerniarnini unitsissamaanngilaa. Tamanna erserpoq Iranip atomi pillugu isumaqatigiinniartartuata EU-miit nunanut allanut politikkikkut ataqatigiissaarisuanik Javier Solanamik ullumi ataatsimeeqateqarnerani.
Naalagaaffiit Peqatigiit Sillimaniarneq pillugu isumasioqatigiiffianneersut nunat arfinillit, Tuluit, Franskit, Tyskit, Kinameersut, Russit, Amerikamiullu sinniisuisa aqagu ataatsimiinnerminni Iranip qanoq pillarneqarsinnaanera isumaqatigiissutiginiartussaavaat.
Iranip sakkortuumik pillaammik iliuuseqarfigineqarnissaa ingammik amerikamiut kissaatigaat.