Irakip kujasissuani innuttaasut imissaaleqilerput

Irakimi illoqarfiit annersaasa sisamaanni Nasiriyahimi innaallagissamik pilersuineq sapaatip akunnerini kingullerni pingasuni 50 procentinik annikilleriarpoq, illoqarfiup eqqaani kuuk nukissiuutinik pilersuisoq annikillingaatsiarsimammat.

Innallagissiorfiit sisamaasut marluk kisimik innaallagissamik pilersuipput.

Kuup innaallagissamik pilersuisup ulluni tulliuttuni 20 centimeterinik anikilleriarnissaa naatsorsuutigineqarpoq, innaallagissiorfiillu marluk sinneruttut innaallagissamik pilersuiunnaarnissaat ernummatigineqarpoq, illoqarfillu innaallagiaarulluni.

Kuussuaq innutaasut imeqarniarnerannik pilersuisoq nungulluinnangajappoq, inuillu 3.000-it pisortanit allamut nuussorneqarlutik.

- Imeq kuummit pisoq imerneqarsinnaanngilaq, uumasuutit tamarluinnarmik qilallutik toqupput, inuppassuillu napparsimalerput, arnaq illoqarfimmi al-Fal-imeersoq tuluit aviisiannit The Guardianimit taama issuarneqarpoq.