Irakimut angerlartinneqartussatut aalajangiunneqartut Irakiliarumanngillat
Ataaseq Elhamimik ateqarpoq, aqqanilinnillu ukioqarluni. Atuarfimmiit angerlaraangami politiinit aaneqarnissani taassuma aarleqqutigisarpaa.
Ilaquttanilu Danmarkimut qimaasutut akuerineqarnissartik pillugu Asylcenter Aunstrupimi najugaqarput, Irakimulli angerlartinneqarnissaat oqartussat aalajangereerpaat, Elhamili Irak eqqaamasaqarfiginngilaa tv-kkullu taamaallaat ilisimasaqarfigalugu.
Saddam Husseinip kisermaassilluni aqutsinerata nalaani Irakimi najugaqaraluarput, ukiulli qulingiluat matuma siornatigut Danmarkimut qimaallutik.
Qimaasut najugaqarfiini assigiinngitsuni najugaqarnikuupput, arabiamiusullu atuartitaasimanani. Danmarkimiiginnassanerlutik Irakimulluunniit angerlartitaassanerlutik nalornissutigaat, inuuniapiloornaqalunilu.
Anaanasoq ukiuni kingullerni napparsimalersimavoq, ataataasorlu ilaquttaminik pilersuisuulluni. Eqqarsartaatsikkut nappaatinut nakorsaq Bente Rex oqarpoq ilaqutariit Irakimut angerlartinneqartariaqanngitsut, meeqqat Irakimi peroriartornerminni ajornartorsiulersinnaammata.
