Irakimiut Tuluit Nunaat eqqartuussisunut tunniunnialerpaat
Irakimiut 25-t Tuluit Nunaat eqqartuussivilersuunniaraat, Danmarkip Radioanit ilisimatitsissutigineqarpoq.
juulip 14-at 2009 08:38
Irakimiut isumaqarput, tuluit sakkutuui Irakimiittut sullikkunnaaramikkilli Tuluit Nunaata namminneq ilaquttatillu iluamik illersorsimanngikkaatsik.
Irakimiorpassuit, sakkutuunut nuna allamiunut sullissisimasut, nunagisamik killuussisutut isigineqartarput, sakkutuunillu ingasaassinianit sioorasaarneqartarlutik, taamalu pisoqartarnerata kingunerisaanik irakimiorpassuit toqutaasimanngikkunik nunanut allanut qimaanikuupput.
Irakimiut 25-t Tuluit Nunaannik maanna eqqartuussisulersuussiniartut, aningaasanik taarsiivigineqarnissartik neriuutigaat, akerleriissuteqartillugulu Tuluit Nunaata allatut periuseqartalernissaa aamma anguneqarsinnaassasoq neriuutigineqarpoq.
