Irakimiut 4 millionit missaat, tassa Irakimi innuttaasut 15 procentii, Irakimi avataaniluunniit maanna qimaasuupput. Inuttut pisinnaatitaaffinnik illersuiniaqatigiiffiup, Amnesty Internationalip, nalunaarusiaa nutaaq naapertorlugu, qimaasorpassuit Kangiani Qiterlermi ikiuiniarnermi ajornartorsiortitsaisorjussuupput.
Irakimiut 2 millionit missaanniittut nunani saniliminni Syriami Jordanimilu qimarngupput. Sinneri Irakimi qimaasuupput, nikeriarsinnaanngillammi nunat saniliisa killeqarfikkoortinnaveersaartuarmatik. USA nunallu EU-mut ilaasortat Jordamimut Syriamullu ikiuutiminnik annertuseqqullugit, inuttut pisinnaatitaaffinnik illersuiniaqatigiiffiup, Amnesty Internationalip, kajumissaarpai, irakimiummi tamaani qimaasut amerlanerpaammata, ajornartorsiutaanerpaallutillu.
-Nunat allat ikiuussinnaanissaat pingaaruteqartorujussuuvoq, Amnesty nalunaarummini allappoq.
Irakimiut qimaasut atugaat pillugit inuttut pisinnaatitaaffinnik illersuiniaqatigiiffiup, Amnesty Internationalip, nalunaarutaa Genevemi ataatsimeersuarnissaq ullormik ataatsimik sioqqullugu saqqummiunneqassaaq. Qimaasut ikiorserneqarnissaat Genevemi ataatsimeersuarnermi oqallisigineqassaaq.