Irakimi Allawi ajugaavoq

Irakimi ministeriunerusimasup Allawip suleqatigisaasa marsip arfineq-aappaanni inatsisartunut qinersinermi inissat amerlanersaat pissarsiaraat, qinersinerup inernerata ullumi saqqummiunnerani tamanna erserpoq.
marsip 26-at 2010 16:29

Allawip suleqatigisaasa inissat 91-it pissarsiaraat, maannalu ministeriunerusup Nuri al-Malikip suleqatigisai 89-inik pissarsillutik, qinersinermit ullut 19-it qaanngiuttullu qinersinermut ataatsimiitialiaq kikkunnulluunniit attuumassuseqanngitsoq nutaarsiassaqartitsivinnut taama nalunaaruteqarpoq.

Ajorsartup Nuri al-Malikip qinersinermi inernerusoq assortorpaa, taasinerillu kiseqqinneqarnissaat piumasaralugu. Tamanna ajugaasup Allawip itigartippaa.

Malinnaasut isumaqarput, illuatungeriit marluusut taama ikitsigisunik assigiinngissuteqarnerat naalakkersuinikkut iliuuseqarsinnaajunnaartitsisinnaasoq, immaqalu Irakimi sillimaniarnikkut pissutsinik ajorseriartitsisinnaasoq. Maannami Irakimi naalakkersuisut nutaat pilersinniarnissaanni piffissaq sivisooq atorneqartariaqalissasoq ilimagineqalerpoq.

Saddam Husseinip 2003-mi uppitinneqarnerata kingornagut Irakimi aappassaanik qinersisoqaqqammerpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq