Irakimi akerliusut akornanni toqutaasut amerliartortut
Irakimi innuttaasut naalakkersuisunut sumi tamani akerliupput, toqutaasullu amerliartorlutik.
Bagdadimi aneqqusinnginneq atuukkaluartoq sisamanngornermi innuttaasut amerlaqisut illoqarfimmi ingerlaaqatigiipput.
Inuillu ikinnerpaamik 27-t marlunngormat toqutaapput, 1000-it ikilerneqartut.
Basrami titartaasartoq tusaamasaq aamma nunap naalakkersugaaneranik isornartorsiuisartoq nulialu akerliussutsimik takutitsereerlutik angerlarsimaffimminni toqutaapput.
Isiginnittut oqaluttuaraat, angutit kiinnamikkut assersorsimasut aappaariit angerlarsimaffiannut pakasaallutik isersinnarlutik aappariit toqussimagaat, qitornaalli marlunnik ukiulik toqutaasimanngitsoq.
Pissaanermik atornerluineq naalakkersuisullu peqquserlunnerat pissutigalugit akerliussutumik takutitsisoqarpoq.
Amnesty naapertorlugu sillimaniarnermut sakkutuut ingasaassisumik pissaaneq atorlugu akiuiniartut. Akerliussutsimillu takutitsisoqarnerani toqutaasut amerlaqisut pillugit naalakkersuisut misissuisitsisariaqartut.
/ritzau/AFP