Iraki pillugu kukkuluttornerit sinnattupilunnertut nalilerneqartut
USA-p Irakimi sakkutooqartitsinera sinnattupilunnertut nalilerneqarsinnaavoq.
Politikkikkut sakkutooqarniarnikkullu aalajangiinerit pissusissamisuunngitsut pissutaatinniarneqarput, USA-lu 2003-mi Irakimik saassussimmalli kukkuluttornerit aallartipput.
Iligiit Irakimi sakkutuuisa naalagarisimasaat Ricardo Sanchez taama oqarpoq.
Taanna amerikamiut sakkutuuisa naalagaannik maanna ilitsersuisuuvoq, isornartorsiuinissamulli tunuarsimaartarani.
Irakip sakkutuuisa atorunnaarsinneqarsimanerat, Irakimilu naggueqatigiiaanik ataatsimuulersitsisinnaasimannginnerup kingunerisaanik pikitsitsiniat saassusseqattaartalersimanerarneqarput.
Aalajangiinerit kukkuluttortut iluarsiiviginiaannarlugit amerikamiut sakkutuuisa 30.000-inik ilaneqarsimasut Ricardo Sanchezip aamma oqaatigaa.
