Irak-imi illuatungeriit Finlandimi isumaqatiginniutigineqartut
Irakimiut illuatungeriit akerleriit isumaqatigiinniarnerinut Finland isertortumik isumaqatigiissitsiniartuusimavoq.
Suliniaqatigiiffik isumaqatigiissitsiniartuusoq tassaavoq Crisis Management Initiative, CMI. Suliniaqatigiiffimmi tassani siulittaasuuvoq Finlandip 90-ikkunni præsidentia, Martti Ahtisaari. Taanna siusinnerusukkut Namibiami, Kosovami Indonesiamilu nunap immikkoortuani Aceh-mi eqqisseqatigiissitsiniarluni isumaqatigiissitsiniarnikuuvoq.
Irakimi illuatungeriit katillugit 16-iusut ulluni sisamani ataatsimeeqatigiinneranni naalagaaffimmi Afrikami Kujallermi Irlandimilu Avannarlermi eqqisseqatigiinniarluni sulinermi misilittakkat misissoqqissaarneqartut, nutaarsiassaqartitsivik AP allaaserinnippoq.
Finlandimi ataatsimeeqatigiinnermi suliniutissanik suliaqartoqarpoq, ungasinnerusoq isigalugu Irakimi eqqisseqatigiinnermik saammaateqatigiinnermillu kinguneqartussamik. Isumaqatigiinniarluni ataatsimeeqatigiinneq manna tikillugu isertuunneqarpoq, peqataasut eqqissillutik isumaqatigiinniarnissaat anguniarlugu.
