Nunavummi illoqarfiit pingaarnersaanni Iqalunni arnat persuttarneqarsimasut qimarnguiat aappaagu marsimi matuneqartussanngorpoq,- tamannalu Iqalunni atuisartuisa ernummatigigaat, Nunatsiaq News allaaserisaqarpoq.
- Qimarngueqarsimanngikkaluarpat toqoreersimassagaluarpunga, arnaq qimarnguimmik atuisartoq Nutaraq Lucasie issuarneqarpoq.
Taassuma uini ukiuni arlaqalersuni qimanniartarsimagaluarpaa, kingunissaali qunugilertarsimallugit.
Qimallatuaramiullu qimarnguimmiit ikiorneqarluarsimaqaaq.
Maannalu tassa akitsinni politik-erit arlalinnik peqquteqarlutik Qimarnguik matusussanngorpaat.
Canadamiut aningaasaat ukiumut 600.000 dollarit sipaarniarneqarput, Qimarnguimmi ataannaraluarpat ukiumut 200.000 dollarit amigartoorutaasassapput.
Taamatuttaaq Qimarnguimmi sulisussaaleqinerujussuaq peqqutaaqataasunut ilaavoq.