Ippassaq qinersivit? Ima qinersiartortoqartigaaq

Qinersisut procentinngorlugit ukiuni 15-ini kingullerni aatsaat taama amerlatigipput, tassa taasisinnaasut 50 procentii sinnilaarlugit qinersipput.

Allattoq Ann-Sophie Greve Møller

marsip 25-at 2026 14:37

Nutserisoq Josefine Rasmussen, Connie Fontain

Folketingimut marlunngornermi qinersinissamut aatsaat taama amerlatigisunik qinigassanngortittoqarpoq. Taasiartortut procentinngorlugit? Ukiuni 15-ini aatsaat taama amerlatigipput.

Qinersisut procentinngorlugit 52,3-nik amerlassuseqarput. Folketingimut qinersinermi kingullermiit amerlanerulaarput, 2022-mi qinersisut procentinngorlugit 47,8-upput.

PARTIIT IMA QINERNEQARTIGIPPUT

Inuit Ataqatigiit taaguunneqarnerpaavoq. Taakku 28,6 procentiinit, tassa 6.133-nit taaguunneqarput.

Naleraq taaguunneqarnerpaap tulliuvoq. Taakku 24,6 procentiinit, tassa 5.268-init taaguunneqarluni.

Demokraatinut 17,6 procentiinit, tassa 3.767-init taaguunneqarput.

Siumut 16,4 procentiinit, tassa 3.515-init taaguunneqarluni. Partiip oqaluttuarisaanerani Folketingimut aatsaavissuaq qinigaasoqanngilaq.

Atassut 10,7 procentiinit, tassa 2.290.-nit taaguunneqarpoq.

Allisiguk

Taasiartortulli procentiisa amerlaqataannut uteqqissagutta – folketingimut 2011-mi qinersinermut tassa ukiut 15-it uteqqissaagut. Tamanna qinersineq.gl-imi takuneqarsinnaavoq.

Ippassaq qinersinermi 21.428-t qinersiartorput. Naaja H. Nathanielsen (IA) Qarsoq Høegh-Damilu (N) nunatsinnit Folketingimut qinigaapput.

Taasisut 21 procentiinit taaguunneqartoq

Qarsoq Høegh-Dam taaguunneqarluarluni 4.615-init taaguunneqarpoq. Tassa qinersiartortut 21,6 procentiisa taaguuppaat.

Demokraatinit Anna Wangenheim taaguunneqarnerpaat tulliatut inissinneqarpoq, taanna 2.358-init taaguunneqarpoq. Inuit Ataqatigiilli qinersinermi taaguunneqarnerpaalluni, qinersisut 28,6 procentiinit taaguunneqarput, taamaammat Naaja H. Nathanielsenimit ajugaaffigineqarpoq.

Aamma atuarukQinersineq naammassivoq: Qarsoq Høegh-Dam Naaja Nathanielsenilu Folketingimut qinigaapput

Naaja H. Nathanielsen 1.943-nit taaguunneqarpoq.

Naleraq taaguunneqarpaanut tassa IA-mut tulliulluni 24,6 procentinit taaguunneqarpoq, Demokraatillu taaguunneqarnerpaat pingajuattut inissilluni 17,6 procentinit taaguunneqarpoq.

QINEQQUSAARTUT IMA QINERNEQARTIGIPPUT

Folketingimut qineqqusaarnerup oqaluttuarisaanerani aatsaat taama qinigassanngortittoqartigaaq. Qineqqusaartut ataasiakkaarlugit qanoq qinigaatiginersut ataani takuneqarsinnaavoq.

Atassut sisamanik qinigassanngortitaqarpoq:

Orla Joelsen 175-init taaguunneqarpoq.

Malu Ostermann 90-init taaguunneqarpoq.

Bentiaraq Ottosen 381-init taaguunneqarpoq.

Ellen Schärfe 1.553-init taaguunneqarpoq.

Demokraatit arfinilinnik qinigassanngortitaqarput:

Patrick Abrahamsen 553-init taaguunneqarpoq.

Hans Jørgen Mørch 93-init taaguunneqarpoq.

Bent Olesen 165-init taaguunneqarpoq.

Inuujuk Petersen 291-init taaguunneqarpoq.

Napaartoq Isak Petrussen 42-nit taaguunneqarpoq.

Anna Wangenheim 2.358-init taaguunneqarpoq.