Ippassaq Illorsuit ukiunik 150-iliivoq

Uummannap nunaqarfia, Illorsuit, ukiunik 150-inngortorsiorluni ippassaq sapaammi aggustip ulluisa qulingiluaanni nalliuttorsiorpoq.
Allattoq Karsten Sommer
aggustip 10-at 2009 07:32

Nunaqarfimmi, Uummannap kangerluaniittumi, nalliuttorsiornerit nalinginnaasut saniatigut umiarsuaq takornarniartaat M/S Fram Illorsuarnut tikippoq, M/S Fram Uummannameereeraangami Ukkusissanukarnerusaraluarpoq.

- Angallatip sukkasuup, M/S Framip, tikinnissani ilisimatitsissutigaa, nalunaarutigalugu nalinginnaasumik angalanissani allanngortillugu Uummannameereeruni Ukkusissiarnani Illorsuarnukassalluni, Takornarniaqarnikkut Siunnersuisoqatigiit aamma Business Council nutaarsiassaqartitsivimminni allapput.

Umiarsuarmik takornarniartaammit tikittoqarnerata saniatigut Illorsuit ukiunik 150-inngortorsiornerat assigiinngitsorpassuarnik aaqqissuussiffiusoq, Uummmannami Takornarniartitsivimmi pisortaq, Anton Overballe, Sermitsiap nittartagaani sermitsiaq.gl-imi, issuarneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq