iPad 1,5 centimeterisut issussuseqarpoq. Pappiaqqatut A4-tut angititigaaq. Taavalu 750 grammimik oqimaassuseqarluni, iPhonetuulli sannersillugu makittarissisillugu atorneqarsinnaavoq.
iPadikkut allanniaraanni naqinnernik qarasaasiatulli naqitassaqanngilaq, igalaasartaatigulli aqunneqartussaalluni.
iPad isumalluarfigineqaqaaq. Aviisit ajornartorsiortut iPad ikiorsiullugu nutarsarneqarlutillu uummaarissiseqqinneqarsinnaassasut inuppassuit ilimagigaat, Danmarkip Radioata nittartagaani allaaserineqarpoq.
iPadit siulliit qaamatit marluk qaangiuppata pisiarineqarsinnaalissapput. Ataaseq 499 dollarinik akeqassaaq - qallunaat aningaasanngorlugit 2.550 koruunit.