IS-ip saassussinerinut pilersaarusiortoq iranip sakkutuuinit toqutaasoq
Taheranimi pingasunngornermi saassussinernut marlunnut pilersaarusiortoq Iranip sillimaniarnermut sakkutuuinit toqutaavoq.
Allattoq Ritzau
juunip 11-at 2017 19:07
Nutserisoq Ivik Kristiansen
- Angut inatsisartoqarfimmut ayatollahllu Khomeinisip iliveqarfianut peqqarniisaarnernut, inunnit 17-init toqussutigineqartunut pilersaarusiortoq sillimaniarnermut sakkutuunit arfininngormat toqutaavoq, Iranip isertortumik paasiniaanermut ministereqarfianit oqartoqarpoq.
Nutaarsiassaqartitsivik Tasnim taama allaaserisaqarpoq.
Islamisk Stat saassussinernut akisussaasuunerareerpoq.
Angutit sakkulisartut imminnullu pilliutigiitigalutik qaartartumeeriniartut Iranip inatsisartoqarfianut ayatollahllu Ruhollah Khomeinip iliveqarfianut pingasunngormat saassussipput.
Iranip sillimaniarnermut sakkutuuisa saassussisut akunnerni tallimani ajugaaffiginiarsaraat.
