Inuvimmi muslimit qinusarfittaarput

Canadami Inuvialuup pigisaani Inuvimmi muslimit taamaallaat 100-t missaanniipput, namminnerli qinusarfeqalernissartik qangali kissaatigilerpaat. Inuvimmi sananissaq akisuallaarmat Winnipegimi Manitobami, tassa kilometerinik tusindtinik arlalinnik kujasinnerusumi, sananeqarpoq. Sananeqareermat aqqutissaa ajornakusooqisoq aaqqissuunneqarpoq, inissaminukaanneqarnermini ikaartarfiit pukkitsut qattorngillu aqqusaartariaqanngimmagit.

Qinusarfik lastbilimik siullermik ingerlanneqarpoq, kingornalu prammi atorlugu ingerlanneqarluni, qinusarfillu arlaleriarluni imaanut nakkangajappoq, taamaaligaangallu assartuisut initaanut isipallattarput pequtit illuaatitertariaqartarlugit, imaanummi nakkaruni kivisussaammat, immallU naqqani qinusarfinngorluni.

Qinusarfittaarli pingasunngormat apuunneqarpoq, Inuimmilu muslimit qinusarfittaartik tikilluaqquniarlugu kuussuup Mackenziep sinaani utaqqerrapput.

Inuvimmi muslimit isumaqarput issittumi qinusarfittaarnertik oqaluttuarisaanermi pingaarutilerujussuusoq, issittumimi qinusarfik taaanna siullerpaajummat.