Inuusuttut sisamat akeqanngitsumik højskolissapput
Kalaallit inuusuttut sisamat Qaanaameersut Tasiilameersullu, akeqanngitsumik Ærø Højskolimiissinnaalerput. Tamanna piviusunngortinneqarpoq højskolimi forstanderip Henrik Hartvigip, inissanik akeqanngitsunik tunniussineratigut.
Allattoq Louise M. Kleemann
Karen Littauerip Orto Ignatiussenillu, inuusuttunik sammisassaqartitsillutik aaqqissuussisarnitik aqqutigalugit, inuusuttut pineqartut sisamat højskolernissaannik aqqutissiuisuupput.
Misiliutaasoq naammassippat, suleqatigiinnerup qanoq ingerlaqqissinnaanera eqqartorneqassaaq, taamaasilluni inuusuttut amerlanerusut avinngarusimanerusuni najugallit siunissami højskoleriartortalerniassammata.