Inuusuttut silap pissusaa pillugu paasisaqarusupput

Taakkua silap pissusaata allanngoriartornera pillugu kalaallit inuusuttut isumaannik sammisaqarfiupput. Aka Hansen taakkunani ilitsersuisuuvoq, isumaqarporlu silap pissusaata allanngoriartornera pillugu inuusuttut isumaat tusarneqartariaqartut.

-Mikigallaratta aputeqartarnikooqaaq. Maanna aput tulaariarluni, nungulaariarluni aatsaat toqqittarluni ingerlarusaaginnartoq malugivara,

fimip piviusulersaarutip, Nuna Qorsuup aallaqqaataani angut inuusuttoq oqarpoq.

Inuusuttut kujataaneersut silap pissusaata allanngoriartorneranik misiginninnerminnik Nuna Qorsummi aamma oqaluttuarput. Inuusuttullu tusarneqarnissaat, filmiliortup Aka Hansenip pingaartippaa.

- Paasititsiniaarusukkatta. Kalaallit Nunaanniuna susoqartoq? Inuusutttut isumaat inuiaqatitsinnut paasitikkusupparput, Aka Hansen oqarpoq.

Filmip piviusulersaarutip aappaani, "Sunniutit arlariimmi", kalaallit inuusuttut sisamat silap pissusaata allanngoriartorneranut iliuuseqarniartut inuttaapput. Inuusuttut silap allanngoriartorneranut arlariinnik pissuseqartut, Aka Hansenip takusinnaavai.

- Tassa paasiniaratsigu, kikkut silap pissusaata allanngoriartornera pillugu suliaqarnesut, tassungalu qanoq soqutiginnippat?

Tassalu takusinnaavaa, inuusutoqattoq malinnaalluartunik sorsukkusuttunillu, aammali inuusuttoqartoq, silap allanngoriartorneranik takunnikkaluarlutik iliuuseqarusuppallaanngitsunik.

Filminili oqariartuut ataasiuvoq.

- Paasititsiniaaneq amigaataaqimmat, Kalaallit Nunaanni paasititsiniaarnermik annertuusaanissaq pisariaqarpoq, Aka Hansen nassuiaavoq.

Filmit marluk Kalaallit, Københavnimi Nordatlantens Bryggemi, Nunat Avannarliit Bella Centerimi ulluni makkunani saqqummersitsivigisaanni Danmarkimilu kalaallit illuini arlalinni takutinneqareerput.