Inuusuttut piniartunngorusunngitsut amerliartorput

Piniartuuneq inuusuttunit soqutigineqarunnaariartorpoq. Pisassiissutit ikiliartornerat tunitsiviillu akigititaasa appariartornerat piniartunngornissamut qiimmassaataanngivipput. Tamanna Qaerngaq Nielsenip Savissivimmiup ilisimasaqarfigilluarpaa.
januaarip 20-at 2009 14:46

Qaerngaq Nielsen inuunini tamaat piniartutut inuuniuteqarpoq. Piniartunngornini peqqissimissutiginikuunngisaannarpaa, ukiummi 50-it matuma siorna piniartunngorneq pissusissamisoorpoq. Kisianni siunissami piniartutut inuuniartoqarsinnaanersoq nalorninarsivoq.

Qaerngaq Nielsenip ernguttani namminermisut puiniartunngornissaat kaammattuutiginngilaa. Meeraqatitik allat assigalugit inooriaatsimik nutaamik siunnerfeqassasut kissaatigaa.

- Ukiuni kingullerni inuusuttut perortartut eqqarsaatigalugit piniartunngornissaminnut soqutiginninnerat akuttoriartorput.

Tamanna piniartuunerup oqimaannerujussuata kinguneraa. Assersuutigalugu puisip amia tunitsivinnut tunissagaanni akikitsorujussuuvoq.

Taamaattumik piniartut piniakkat nalingisa appasippallaarnerat tunngavigalugu oqimaatsorsiortorujussuupput, Qaerngaq Nielsen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq