Inuusuttut Narsami isumasioqatigiipput
Inuusuttut Nunani Avannarlerni siunnersuisoqatigiiffinneersut sunngiffinni ornittakkani, inuusuttullu angerlarsimaffiini sulisut, isumasioqatigiinnermi peqataapput.
Narsami isumasioqatigiinnermi inuusuttut 33-t peqataapput, takkualu Sverigemiit, Norgemiit, Finland-imiit, Savalimmiuniit, Islandimiit Ă…landimiillu aggersuupput, soorunalimi Kalaallit Nunaat aamma peqataatitaqarluni.
Oqartussaaqataanerup kulturikkullu assigiingissutsip paasineqarnissaa inuusuttut isumasioqatigiinneranni oqallisigineqarput.
Nunat assigiinngitsut peqataatitaqartut nerisassaatiminnik sassaallerput, nunagisaminnilu pinnguaatitik, nipilersuutitik ileqqorsuutitillu aliikkusersuutigitillugit.
Inuusuttut Narsamiinnerminni meeqqerivimmut, atuarfimmut oqaluffimmullu takuniaasinneqarput, aamma Inuussutissalerinermik Ilinniarfik, Inuili, takornarniarneqarluni.
Narsap kommuniani borgmesteri, Kiista P. Isaksen, Narsap kommunia pillugu tikeraanut nassuiaavoq.